ညီဖြစ်သူအား ဆေးထိုးသတ်သည့်အစ်ကိုနှင့်ကြံရာပါအမျိုးသမီးတို့အား သေဒဏ်နှင့်ထောင်ဒဏ်တို့ချမှတ်

ညီဖြစ်သူအား ဆေးထိုးသတ်သည့်အစ်ကိုနှင့်ကြံရာပါအမျိုးသမီးတို့အား မသေမချင်းကြိုးကွင်းစွပ်သတ်ရန်နှင့် ထောင်ဒဏ် ၇ နှစ်တို့ချမှတ်ခဲ့ကြောင်း သိရသည်။ဖြစ်စဉ်မှာ ဧရာဝတီတိုင်းဒေသကြီး၊ ဟင်္သာတမြို့၊ တက္ကသိုလ်အနောက်ဘက်၊ မြို့ရှောင်လမ်းတွင် ၂၀၁၆ ခုနှစ်၊ မတ်လ ၃ ရက်၌ စစ်ကုန်းတိုက်နယ်၊ မရမ်းလေးကျေးရွာမူလတန်းပြကျောင်းဆရာကိုအေးနိုင်၏ပုပ်ပွနေသော ရုပ်အလောင်းကိုတွေ့ရှိခဲ့ခြင်းဖြစ်သည်။

အဆိုပါအမှုနှင့်ပတ်သက်၍ သေဆုံးသူနှင့်ညီအစ်ကိုဝမ်းကွဲတော်စပ်သူ ကျေးလက်ကျန်းမာရေးမှူးသန်းဇော်ကို တာဝန်ရှိသူများကမသင်္ကာသောကြောင့်ခေါ်ယူစစ်ဆေးခဲ့ရာမှ အမှုပေါ်ပေါက်ခဲ့ခြင်းဖြစ်သည်။ စစ်ဆေးချက်အရ သေဆုံးသူကျောင်းဆရာကိုအေးနိုင်နှင့်သူနာပြုသင်တန်းကျောင်းသူမနှင်းပွင့်ဖြူတို့မှာ ချစ်သူများဖြစ်ကြပြီး ၂ နှစ်အကြာ၌ကိုအေးနိုင်၏အစ်ကိုဝမ်းကွဲဖြစ်သူကျန်းမာရေးမှူးသန်းဇော်နှင့်နှင်းပွင့်ဖြူတို့ ထပ်မံချစ်ကြိုက်ခဲ့ကြရာ ယင်းဖြစ်စဉ်ကိုသိရှိသွားသည့်ကိုအေးနိုင်က အရက်မူးချိန်တိုင်း၌ စောင်းမြောင်းပြောဆိုလေ့ရှိကြောင်း သိရသည်။

ထို့ကြောင့် မခံမရပ်နိုင်ဖြစ်လာသည့်မနှင်းပွင့်ဖြူသည် သန်းဇော်နှင့်တိုင်ပင်ကာ ၂၀၁၆ ခုနှစ်၊ ဖေဖော်ဝါရီလ ၂၁ ရက်တွင် ကိုအေးနိုင်အား အခင်းဖြစ်နေရာသို့ချိန်းဆိုခေါ်ဆောင်လာပြီးနောက် ကိုအေးနိုင်၏လက်မောင်းသို့ Adrenaline ဆေးထိုးသတ်ကာအလောင်းကိုပီနံအိတ်ဖြင့်ထည့်လျက်မြေတူးမြှုပ်နှံခဲ့ပြီး ဖုန်းနှင့်အခြား သက်သေခံပစ္စည်းများကိုလည်း လွှင့်ပစ်ဖျောက်ဖျက်ခဲ့ခြင်းဖြစ်ကြောင်း စစ်ဆေးပေါ်ပေါက်ခဲ့သည်။

ထို့ကြောင့် သန်းဇော်နှင့်နှင်းပွင့်ဖြူတို့စုံတွဲကို ဟင်္သာတမြို့မရဲစခန်း၌ (ပ)၇၉/၂၀၁၆၊ပုဒ်မ၃၀၂ ဖြင့်အမှုဖွင့်ကာ် ရာဇသတ်ကြီးပုဒ်မ ၃၀၂/၂၀၁ အရတရားရုံး၌တရားစွဲတင်ပို့ခဲ့သည်။ အမှုကို ၄ နှစ်နီးပါးကြာစစ်ဆေးကြားနာပြီးနောက် ၂၀၂၀ ခုနှစ်၊ ဇန်န၀ါရီလ ၁၃ ရက်၌ တရားခံများဖြစ်သည့် ကျန်းမာရေးမှူးသန်းဇော်ကို ရာဇသတ်ကြီးပုဒ်မ-၃၀၂(၁)(ခ)အရသေဒဏ် (မသေမချင်းကြိုးကွင်းစွပ်သတ်စေ) နှင့် သူနာပြုကျောင်းသူနှင်းပွင့်ဖြူအား ရာဇသတ်ကြီးပုဒ်မ-၂၀၁(ပထမပိုင်း)အရ အလုပ်ကြမ်းနှင့်ထောင်ဒဏ် (၇)နှစ်အသီးသီးချမှတ်ခဲ့ကြောင်း ဟင်္သာတခရိုင်တရားရုံး၏ထုတ်ပြန်ချက်များအရသိရသည်။

 

အကုန်သိ

Be the first to comment

Leave a Reply

Your email address will not be published.


*