”သိပ္ပံပညာရှင်တွေဖန်တီးထားတဲ့ “လအတု” လွှင့်တင်ပြီး ညအလင်းပေးမယ့် တရုတ်နိုင်ငံ”

ပညာရှင်တွေ ဖန်တီးထားတဲ့ ကိုယ်ပိုင် လတစင်းကို ၂၀၂၀ ပြည့်နှစ်မှာ လွှင့်တင်ဖို့ တရုတ်အာကာသ အေဂျင်စီက ပြင်ဆင်နေတဲ့အကြောင်း China Daily သတင်းမှာ ဖော်ပြထားပါတယ်။

သဘာဝလရောင်ထက် ၈ ဆ ပိုလင်းမယ့် လအတုတစင်းကြောင့် လျပ်စစ်ဓာတ်အား ချွေတာနုိုင်ပြီး လမ်းမီးတိုင်တွေကို အစားထိုးနုိုင်မယ်လို့ ဆိုပါတယ်။

အဲဒီလအတုကို စီချွမ်းပြည်နယ်ထဲက ချန်ဒူးမြို့တော်ရဲ့ အထက် ကမ္ဘာပတ်လမ်းကြောင်းထဲကို လွှတ်တင်ထားမှာ ဖြစ်ပါတယ်။အဲဒီလအဆင်ပြေရင် နောက်ထပ်လအတု ၃ စင်းကို ၂၀၂၂ ခုနှစ်မှာ ထပ်တိုး လွှင့်တင်မယ်လို့လည်း အဲဒီသတင်းမှာ ဖော်ပြပါတယ်။

လအတု ၃ စင်းလွှတ်တင်နိုင်ရင် ကီလိုမီတာ ၃၆၀၀၀ ကနေ ၆၄၀၀၀ စတုရန်း ကီလိုမီတာ အကျယ်အဝန်းကို ၂၄ နာရီ အလင်းရောင်ရနိုင်မယ်လို့ တရုတ်ပညာရှင်တွေက ခန့်မှန်းပါတယ်။

ကီလိုမီတာ ၃သိန်း ၈ သောင်းဝေးတဲ့ တကယ့်လအစစ်လို မဟုတ်ဘဲ မြေပြင်အထက် ကီလိုမီတာ ၅၀၀ မှာထားမယ့် အဲဒီလဟာ နေရောင်ကနေ ရောင်ပြန်လင်းစေမှာ ဖြစ်ပါတယ်။

လအတုစီမံကိန်းကြောင့် ကီလိုမီတာ ၅၀ ပတ်လည်လောက်ကို အလင်းရောင် ရစေမယ်ဆိုရင် တနှစ်အတွင်း လျပ်စစ်ဓာတ်အားခ အမေရိကန်ဒေါ်လာ ၁၇၄ သန်းလောက် သက်သာသွားစေမယ်လို့ ဆိုပါတယ်။

အဲဒီလရောင်ကို လိုအပ်သလို အဖွင့်အပိတ်လုပ်နိုင်၊ အလင်းအမှိန်ပြောင်းနိုင်၊ နေရာရွှေ့နိုင်ပြီး သဘာဝဘေးအန္တရာယ်ကြောင့် မှောင်ကျသွားတဲ့ဒေသတွေမှာ ကယ်ဆယ်ရေး လုပ်ငန်းတွေအတွက်လည်း အသုံးပြုနုိုင်မယ်လို့ သတင်းမှာ ဖော်ပြထားပါတယ်။

လအတုရဲ့ အလင်းရောင်ကြောင့် လူနဲ့သတ္တဝါတွေ နေ့ညလည်ပတ်ပုံတွေကို အနှောင့်အယှက်ဖြစ်မှာကို စိုးရိမ်မှုတွေလည်းရှိနေလို့ လူသူမရှိတဲ့ ကန္တာရထဲမှာ အရင်စမ်းသပ်မယ်လို့ သိရပါတယ်။

ရုရှားနိုင်ငံဟာလည်း ၁၉၉၉ ခုနှစ်တုန်းက ၂၅ မီတာရှိတဲ့ အာကာသမှန်ချပ်ကြီးကတဆင့် နေအလင်းရောင်ပြန်ထိုးဖို့ ကြိုးစားခဲ့ပေမယ့် အာကာသထဲ လွှတ်တင်စဉ်မှာပဲ ပျက်ကျသွားလို့ အဲဒီစီမံကိန်း ရပ်ဆိုင်းခဲ့ပါတယ်။

Credit myanmar daily news

UNICODE

Be the first to comment

Leave a Reply

Your email address will not be published.


*