အိမ်အကြီးကြီးကို စုဝယ်လိုက်တဲ့ အမျိုးသမီးသူငယ်ချင်း ၇ ယောက်

အိမ်အကြီးကြီးကို စုဝယ်လိုက်တဲ့ အမျိုးသမီးသူငယ်ချင်း ၇ ယောက်

တရုတ်နိုင်ငံ အရှေ့တောင်ပိုင်းက တရုတ်အမျိုးသမီးသူငယ်ချင်း ၇ ယောက်ဟာ သူတို့ငယ်ရွယ်စဉ်က စိတ်ကူးယဉ်ခဲ့တဲ့အတိုင်း အသက်ကြီးလို့ပင်စင်ယူတဲ့အချိန်ကနေ သေတဲ့အချိန်ထိ သူငယ်ချင်းတွေ အတူတူစုနေနိုင်ဖို့အတွက် အိမ်အကြီးကြီးတစ်လုံးကို စုပေါင်းပြီးဝယ်ယူခဲ့ကြပါတယ်။

အစကတော့ဟာသအနေနဲ့ ပြောဆိုခဲ့ကြတဲ့ ၂၀၀၈ ခုနှစ်ယောက်က သူတို့ရဲ့စိတ်ကူးလေးဟာ ယခုအချိန်မှာတော့ တကယ်လို့အကောင်အထည်ဖော်ဖြစ်ခဲ့တာဖြစ်ပါတယ်။ အဆိုပါအိမ်ကြီးဟာ ၇၀၀ စတုရန်းမီတာ (၇၅၃ စတုရန်းပေ) ရှိပြီး ဂွမ်ဒေါင်းပြည်နယ်၊ ကွမ်ကျိုးဆင်ခြေဖုံးမှာ တည်ရှိပါတယ်။

Yitiao TV ရဲ့အဆိုအရတော့ ၂၀၁၈ ဇန်နဝါရီလောက်တုန်းက မြို့နဲ့ ၄၄ မိုင်ဝေးတဲ့ အဆိုပါအိမ်ကြီးကို သူတို့ထဲက အမျိုးသမီးတစ်ယောက်က အရင်ဆုံးတွေ့ရှိခဲ့ပါတယ်။ ထိုအချိန်က အိမ်ကြီးဟာ လူသူမနေပဲ ဆောက်လက်စနဲ့ဟောင်းနွမ်းနေတဲ့ ပုံစံဖြစ်ပါတယ်။ ထို့နောက် သူတို့သူငယ်ချင်းတွေစုပေါင်းပြီး အိမ်ကြီးကိုဝယ်ယူလိုက်ကာ ပြင်ဆင်မှုတွေကို ယွမ် ၄သန်း ($584000) အကုန်အကျခံကာ ဆောက်လုပ်ခဲ့ပါတယ်။

ယနေ့အချိန်မှာတော့ အဆိုပါအိမ်ကြီးဟာ စပါးကွင်းတွေနဲ့ သစ်တောတွေနဲ့အတူ ခန့်ခန့်ညားညားနဲ့ လှပနေပါပြီ။ အိမ်ကြီးရဲ့အပေါ်ထပ်တွေမှာတော့သူမတို့တစ်ယောက်ချင်းစီအတွက် အခန်းတွေဖွဲ့ထားပြီး အောက်ဆုံးထပ်မှာတော့ အတူတူနေထိုင်ဖို့ နေရာအကျယ်ကြီးတွေ ရှိပါတယ်။ တစ်ယောက်ချင်းစီရဲ့ အခန်းတွေကလည်း လုံလောက်အောင်ကျယ်ဝန်ပြီး ပရိဘောဂအစုံရှိနေပါတယ်။

ချစ်စရာကောင်းတဲ့ မီးဖိုခန်း၊ မှန်ရေချိုးခန်း၊ ရေကူးကန်တွေနဲ့ ပရိဘောဂအစိတ်အပိုင်းတွေဟာလည်း အားလုံးခေတ်မှီပြီး အများစုက အိန္ဒိယနဲ့ မော်ရိုကိုကနေ မှာယူထားကြောင်း သိရပါတယ်။ သူမတို့အကုန်လုံးက လက်ဖက်ရည်ချစ်သူတွေဖြစ်ကြတဲ့အတွက် လယ်ကွင်းရဲ့ အလယ်မှာ လက်ဖက်ရည်သုံးဆောင်ဖို့ တဲလေးကိုဖွဲ့စည်းထားပြီး ဝါးတံတားလေးကနေတဆင့် သွားရမှာဖြစ်ပါတယ်။

သူတို့တွေဟာ အတူတူချက်ပြုတ်ကြပြီး လယ်ကွင်းထဲမှာ အသားကင်စားတာတွေ သီချင်းအတူတူဆိုတာတွေ နဲ့ ရွာထဲမှာအစားအစာအတူတူသွားဝယ်တာတွေကို ပြုလုပ်လေ့ရှိကြောင်း သူတို့ထဲက အမျိုးသမီးတစ်ယောက်က ပြောပြပါတယ်။

ရုပ်သံကြည့်ရန်

ဟိုးအချိန်ထဲက အရမ်းကိုချစ်ခဲ့ကြတဲ့ သူငယ်ချင်းတွေဖြစ်တာကြောင့် ယခုလိုအတူတူနေတဲ့အခါ ကိုယ်ပိုင်ကျွမ်းကျင်မှုတွေ ရှိစေဖို့အတွက် ချက်ပြုတ်ခြင်း၊ အသီးအနှံစိုက်ပျိုးခြင်း၊ တူရိယာတီးခတ်ခြင်း၊ တရုတ်ဆေးပညာ စတဲ့ပညာအရပ်ရပ်ကို အသီးသီး တာဝန်တွေခွဲပြီး လေ့လာထားခဲ့ကြကြောင်း သိရှိရပါတယ်။

Credit: LM_Naung_Naung (Lifestyle_Myanmar )